Mes miliona dokumenteve që Departamenti i Drejtësisë në Amerikë ka publikuar lidhur me çështjen e abuzuesit të ndjerë Jeffrey Epstein, rezulton dhe një vajzë shqiptare. Top News ka mundur të sigurojë korrespondencën e saj me ekipin e Epstein, por për shkak edhe të etikës, të dhënat e saj nuk po I japim të plota. Vajza në fjalë e ditëlindjes 2 janar 1995 I ka dërguar një email Jeffry Epesteinit në Mars 2017 dhe I kërkonte këtij të fundit një mendim nëse mund të zhvillonte një intervistë pune me të apo jo. “Përshëndetje, jam e interesuar për punën për të cilën i thatë Evan Luthra-s, por unë nuk jam me bazë në SHBA. A është kjo problem?”, thuhet në email që ka dërguar e reja e cila ishte rreth 21 vjeçe. Në vijim të komunikimit, personi tek i cili po aplikonte për punë, asistenti i Epstein pasi komunikoi me këtë të fundit dhe mori aprovim, i kërkoi asaj që t’i dërgojë “3 foto me cilësi të mirë dhe CV-në”. "Ta marr në intervistë këtë? Është 21-22 vjeçe, jeton në Paris", pyet asistenti. Kandidatja më pas përcjell dokumentet dhe tri foto personale. Më tej, nuk ka më korrespondencë dhe nuk dihet nëse vajza me origjinë shqiptare dhe që jetonte në Paris në 2017, ka shkuar si asistente e Jeffrey Epstein. Shumë nga emailet dhe dokumentet datojnë më shumë se një dekadë më parë, duke shfaqur marrëdhëniet e Epsteinit mes problemeve të tij ligjore. Ai vdiq në gusht 2019 ndërsa ishte në burg nën akuzat për një rast të gjerë trafikimi seksual. Jeffrey Epstein ishte një trafikant amerikan i qenieve njerëzore, abuzues seksual i fëmijëve, përdhunues serial dhe financier. Epstein krijoi një rreth shoqëror elitar dhe siguroi të paktën 1,000 gra dhe vajza të mitura të cilat iu nënshtruan përdhunimit dhe dhunës seksuale të përsëritur nga ai dhe bashkëpunëtorët e tij.