Qeveria ka miratuar vendimin për ngritjen e “Regjistrit Qendror të Bazës së të Dhënave të Pasurive të Paluajtshme, njohur shkurtimisht si Kadastra fiskale. Vendimi, që shfuqizon një rregullore të vitit 2017, synon të krijojë një bazë të dhënash të plotë që do të përmbajë ndërtesat dhe njësitë e ndërtesave; pronarët, zhvilluesit dhe përdoruesit e njësive të ndërtesave, në funksion të përcaktimit të përgjegjësisë tatimore, sidomos taksës mbi pronat.