Në janar, komanda amerikane e operacioneve speciale në evropë tha se do të ngrinte një bazë të re në Shqipëri. Komanda tha se zgjodhi shqipërinë për shkak të afërsisë me qendrat kryesore të transportit në ballkan, cka do të reduktonte kohën e udhëtimit. Dhe kjo vjen ndërsa përplasja me rusinë ka shtuar tensionet në një qoshe shumë të acaruar të Evropës. Numri i operatorëve specialë në këtë bazë të re do të jetë i vogël – thotë gjenerali David Tabor dhe aftësia për të lëvizur dhe trajnuar në ballkan, në koordinim të ngushtë me aleatët dhe forcat partnere, e bëjnë shqipërinë vendin më të mirë të mundshëm. Shqipëria është një aleat i rëndësishëm i NATOs dhe një partner i vyer sigurie si në skenën rajonale ashtu edhe atë globale – tha Tabor. Ndërkohë, ekspertët ushtarakë, thonë se ballkani ka qenë gjithnjë një vend interesi, madje që nga lufta e ftohtë. Dhe do të ketë gjithnjë prani të forcave speciale amerikane, në shqipëri, serbi, bullgari e greqi. Rajoni ka qenë i luhatshëm për shkak të etnive, kombësive dhe feve të ndryshme atje, cka e ka bërë terren pjellor për konflikte. Dhe përvec aksesit më të lehtë dhe leverdisë, baza e re në shqipëri ndihmon në kundërshtimin e ndikimit negativ rus në rajon po ashtu. Dhe shqipëria është e rëndësishme në këtë mes pasi është anëtare e NATO-s që në 2009. Ndërkohë, disa vende të tjera në rajon, përfshirë bosnjen, serbinë dhe bullgarinë, nuk janë ekzaktësisht në sferën e ndikimit amerikan. Këto vende, kanë qenë të renditura krah Bashkimit Sovjetik gjatë luftës së ftohtë dhe ruajnë lidhje të ngushta me rusinë. E ndërsa tensionet me rusinë rritet, moska do të tentonte ti përdorte sërish këto lidhje për të shkaktuar telashe. Për momentin, baza e re është më shumë simbolike sesa operacionale, por vendimi për ta vendosur atë në shqipëri, tregon sipas Busines Insider, se ballkani është edhe një herë tjetër një rajon i rëndësishëm për ushtrinë amerikane.