Ministrja e Arsimit, Sportit dhe Rinisë, Evis Kushi ka zgjedhur të urojë Ditën e Mësuesit nëpërmjet një videoje të veçantë, ku ajo vetë i është bashkuar një kolazhi urimesh e falënderimesh nga nxënës të shkollave të ndryshme të vendit Në mesazhin e saj, ministrja Kushi nënvizon se ky është një 7-Mars ndryshe nga herët e tjera për shkak të pandemisë. "Sot është 7 Marsi, Festa e Mësuesit. Një 7 Mars ndryshe nga çdo herë tjetër. Një 7 Mars kur çdo nxënës e prind po ndjen sakrificën madhore të mësuesve tanë që do të mbahet mend shumë gjatë". Duke uruar gjithashtu që çdo 7 Mars në të ardhmen të mos i ngjajë këtij të sotmit, por të vijë i mbarë, dhe ne të mund të dhurojmë lule e përqafime me njëri-tjetrin" Kushi nënvizon se falënderimet e mirënjohja për mësuesit nuk mbarojnë asnjëherë. Ai thotë se falënderimet dhe mirënjohja për mësuesit asnjëherë nuk mjafton dhe se sipas saj çdo mësues është një hero! Një hero që të merr për dore, të ndriçon e bëhet udhërrëfyesi yt!"-mbyll mesazhin e saj ministrja Evis Kushi.