Shqipëria ndodhet një hap larg integrimit në Bashkimin Europian. Gjatë vizitës në vendet e Ballkanit Perëndimor, shefi i diplomacisë, Joseph Borrel u shpreh se vendet e rajonit e kanë vendosur Bashkimin Europian përballë dy sfidave të mëdha: influenca ruse dhe mundësia për destabilitet të rajonit. Nisur pikërisht nga këto dy sfida, strategjia gjeopolitike e zgjerimit të Bashkimit Europian duke se ka marrë një tjetër dinamikë. Teksa në mediat e huaja qarkullonte lajmi se Bashkimi Europian do të çelë në qershor dritën jeshile për integrimin e Shqipërisë dhe Maqedonisë së Veriut, redaksia e Top Neës komunikoi nëpërmjet postës elektronike me zëdhënësen e Komisionit Europian, Ana Pisonero. : Komisioni Evropian vendosi në mars të 2020 të hapë negociatat e anëtarësimit me Shqipërinë dhe Maqedoninë e Veriut. Zgjerimi është një proces i bazuar në merita dhe të dyja vendet i kanë plotësuar kriteret. Qëndrimi i Bashkimit Europian mbetet i qartë. Presim me padurim nisjen zyrtare të negociatave të anëtarësimit me të dyja vendet, dhe mbajtjen sa më shpejtë të konferencave të para ndërqeveritare.