Emanuel Macron dhe bashkëshortja e tij Brigitte kanë bashkuar forcat para kamerave një ditë pas dramës tronditëse me shuplakë në fytyrë. Pamjet virale që kanë lënë në hije fillimin e turneut të çiftit në Azinë Juglindore tregonin bashkëshorten e udhëheqësit francez duke e shtyrë atë pasi avioni zbriti në Vietnam. Macron, i tërbuar, u përpoq të minimizonte incidentin duke pretenduar se të dy ata nuk po grindeshin por po bënin shaka, sic bëjnë shpesh me njëri-tjetrin. Ai shtoi se incidenti i pabesueshëm është ekzagjeruar duke u kthyer në "një lloj katastrofe gjeo-planetare". Udhëheqësi francez argumentoi gjithashtu se klipi dhe reagimi viral ndaj tij ofrojnë një histori paralajmëruese në lidhje me dezinformimin në epokën e mediave sociale. Të martën, Macron dhe Zonja e Parë e Francës u kapën për krahu pasi mbërritën në Universitetin e Shkencës dhe Teknologjisë të Hanoit, ku presidenti francez do të mbante një fjalim. Fotografimi i çiftit së bashku vjen vetëm pak orë pasi Macron pretendoi se adhuruesit e teorive konspirative po përpiqeshin të ushqenin spekulimet se si mund të dukej martesa e tyre pas dyerve të mbyllura. Pamjet e incidentit fillimisht u mohuan nga zyra e Macron si një falsifikim i gjeneruar nga inteligjenca artificiale - por pallati i Elizeut u detyrua të tërhiqte deklaratën e tij dhe të pranonte se ishte e vërtetë. Presidenti francez është shënjestruar vazhdimisht nga teoritë e konspiracionit dhe ato që njihen si deepfakes. Ai më herët është detyruar edhe të mohojë zërat se gruaja e tij kishte lindur burrë ndërsa së fundmi hodhi poshtë një pretendim të rremë rus se kishte një qese kokaine në tavolinë kur u fotografua ndërsa udhëtonte drejt Kievit me tren bashkë me kryeministrin britanik keir Starmer dhe kancelarin gjerman, Friedrich Merz.