E mora mesazhin por nuk tërhiqem. Në thelb, kjo ishte deklarata e presidentit serb, Aleksander Vucic, pas asaj që u konsiderua protesta më e madhe në historinë e serbisë. "Ne e morëm mesazhin. Të gjithë në pushtet duhet të kuptojnë mesazhin kur kaq shumë njerëz protestojnë. Ne duhet të ndryshojmë dhe të mësojmë prej kësaj. Nga ana tjetër, shpresoj që të tjerët e kanë kuptuar mesazhin e shumicës në Serbi, se qytetarët e Serbisë nuk duan revolucione me ngjyra, se qytetarët e Serbisë nuk duan dhunë dhe se qytetarët e Serbisë duan të ndryshojnë pushtetin përmes zgjedhjeve."