Ka nisur procesi i votimit në Kosovë për zgjedhjen e kryetarëve të 38 komunave. Mbi 2 milionë qytetarë do i drejtohen kutive ditën e sotme për të zgjedhur kandidatin e tyre të preferuar. Sipas të dhënave zyrtarë nga Komisioni Qëndror i zgjedhjeve në Kosovë, rreth 2 milionë e 25 mijë votues është numri i shtetasve brenda territorit të Kosovës që do ti drejtohen kutivë të votimit, ndërsa rreth 44 mijë është numri i votuesve që kanë nisur votën e tyre me zarf përmes postës. Procesi zgjedhor do të zgjasë deri në orën 19.00 të mbrëmjes. Numri i subjekteve të regjistruara për këto zgjedhje është 93, prej të cilave, 32 parti politike, 2 koalicione, 32 iniciativa qytetare dhe 27 kandidatë të pavarur. 205 kandidatë është numri në total për kryetar komune dhe 5,419 synojnë të jenë anëtarë në Kuvendet Komunale.