Ndërsa Stuhia Goretti ka sjellë erëra të forta dhe temperatura të ulëta në disa pjesë të britanisë së madhe, ujëvara piktoreske Gordale Scar në Yorkshire Dales ka ngrirë dhe instruktori i alpinizmit, Richard Goodey, ngjitet në sipërfaqen e shkëmbit për të shijuar sa më shumë nga pamjet. "Shumë rrallë ngrin kështu, është dicka që mund të ndodhë ndoshta një herë në pesë vjet," i thotë Goodey AFP-së. Mick Ellerton dhe Richard Goodey, janë të dy instruktorë me përvojë në ngjitje, dhe morën përsipër ngjitjen mbi ujëvarë. "E kam bërë ndoshta tre herë në gjashtë vitet e fundit, kështu që shumë rrallë ndodh që ujëvara të ngrijë", tha Ellerton. Goodey e përshkroi ngjitjen si "emocionuese", duke shtuar se ata arritën të ngjiteshin dhe të zbrisnin nga ujëvara disa herë. "Ishte si një llambadar i bukur dhe ftohtë, formacione të bukura akulli, shkëlqente e tëra", thotë ai. "Mund të duket e frikshme, por duhet ta kesh mendjen të kthjellët, duhet të dish çfarë po bën." Disa pjesë të Yorkshire-it, në Britani, kanë parë borë dhe akull këtë javë, me stuhinë Goretti që ka sjellë reshje bore dhe erëra të forta në Mbretërinë e Bashkuar. Moti i keq me temperaturat e acarta do të vazhdojnë edhe në ditët në vijim në Britani ndërkohë që dhjetëra e mijëra njerëz kanë mbetur pa energji elektrike.