Në ditëlindjen e 17 të shtetit më të ri të evropës, autoritetet e Kosovës kanë organizuar një seri aktivitetesh dhe eventesh kulturore, ndërkohë që presidentja e vendit, Vjosa Osmani dhe kryeministri Albin Kurti, i dhanë udhë festimeve me ngritjen e flamurtit të kosovës. Osmani: Nuk ka asgjë që mund ta ndalë republikën tonë të lirë “Është një ditë kur ne kujtojmë sakrificën shekullore të cilën e ka bërë populli ynë në mënyrë që ta gëzojmë këtë ditë, është një ditë kur i festojmë sukseset të cilat i ka arritur Republika jonë në këto 17 vite, duke forcuar sovranitetin, duke forcuar shtetësinë e subjektivitetin ndërkombëtar, duke forcuar sundimin e ligjit, demokracinë e ekonominë por është po ashtu një ditë kur ne u themi nga zemra, një falënderim të përhershëm për të gjithë ata që sakrifikuan dhe dhanë gjithçka në mënyrë që sot ne së bashku ta festojmë këtë ditë të shenjtë e historike, duke filluar nga arkitekti i pavarësisë, presidenti historik dhe komandanti legjendar Adem Jashari që udhëhoqi UÇK-në e deri te secili qytetar i republikës sonë që sakrifikoi me mund e me gjak në mënyrë që sot të gëzohet kjo ditë.