Një shtetase ka plagosur babain e saj me thikë pas një konflikti të ashpër në familje. Ngjarja ka ndodhur në banesën ku ata jetonin bashkë, në qytetin e Vlorës. Sipas njoftimit zyrtar nga Policia, 43-vjeçarja është arrestuar në flagrancë, ndërsa i ati, i cili ka marrë plagë nga mjeti prerës, ndodhet jashtë rrezikut për jetën dhe është nën kujdesin e mjekëve. Ndërkohë, në një tjetër rast të dhunës në familje, në qytetin e Sarandës, një adoleshent është proceduar penalisht pasi ka ushtruar dhunë fizike ndaj babait dhe gjyshes së tij. Materialet për të dyja rastet janë referuar në Prokuroritë përkatëse për veprime të mëtejshme procedurale. Policia bën me dije se hetimet vijojnë për të dokumentuar këto raste si dhe për të sqaruar shkaqet dhe rrethanat e plota të ngjarjeve.