Partia Socialiste kërkon numërimin pa vonesa të votave të diasporës që kanë ardhur nga Greqia, ndërsa Partia Demokratike u ka shpërndarë numëruesve të saj një udhëzim urgjent që të kontestojnë çdo zarf që vjen prej andej. PS thotë në kërkesën drejtuar KQZ-së se janë pothuajse 25 për qind e zarfeve B që kanë ardhur nga diaspora që janë kontestuar pa asnjë arsye dhe shkak të dukshëm. Sipas socialistëve, KQZ duhet të ndërhyjë dhe të garantojë që edhe këto vota të numërohen ashtu siç është vepruar me votat e tjera që kanë ardhur nga diaspora.