Presidentja Vjosa Osmani është treguar e rezervuar teksa është pyetur për vendimin e Gjykatës Kushtetuese në lidhje me konstituimin e Kuvendit. Ajo ka deklaruar se është në komunikim me partitë politike dhe po shpreson që sa më shpejt të përmbyllet formimi i institucioneve të reja. Presidentja tha se janë në pritje të publikimit të aktgjykimit të plotë të Kushtetuses. Përmes një njoftimi më 30 shtator, Gjykata Kushtetuese deklaroi se seanca konstituive e Kuvendit të Kosovës, e nisur më 15 prill, nuk kishte përfunduar, pasi nuk ishte zgjedhur nënkryetari nga komuniteti serb.