Ish-ambasadorja e Kosovës në Shtetet e Bashkuara të Amerikës njëherësh Sekretare e Përgjithshme e Partisë Demokratike të Kosovës, Vlora Çitaku, e konsideroi procesin e anëtarësimit të Kosovës në Këshillin e Europës një dështim të paralajmëruar. Në një intervistë për KosovaPress, Çitaku shprehet se Albin Kurti e ka sjellë Kosovën në një pozitë të pafavorshëm. “Ka qenë një kronikë e një dështimi të paralajmëruar…. Do të thosha me keqardhje se ndoshta më i rëndë se vetë akti i dështimit të Kosovës për anëtarësim është humbja e besimit të aleatëve në bartësit e institucioneve të Kosovës…. “Nuk mbaj mend në historinë e re politike të Kosovës të kemi pranuar një demarsh aq të ashpër. Thënë të drejtën, kryeministri e ka sjellë vetveten, por edhe Kosovën në një pozitë të pamundur. Me këtë qeveri, me këtë kryeministër dhe këtë mendësi nuk shoh mundësi që të ecim tutje.