Një 40-vjeçar I dënuar me burg por që kishte mundur t’I shpëtonte drejtësisë u arrestua nga policia e Kukësit. Qemal Demnushaj 40 vjeç, banues në fshatin Mamëz, u ndalua pasi informacioneve të siguruara në rrugë operative nga ana e strukturave ligjzbatuese. Gjykata e shkallës së parë Kukës e ka dënuar atë me 5 vite e 8 muaj burg, nga të cilat I kanë mbetur për të vuajtur 3 vite e gjashtë muaj. 40-vjeçari është shpallur fajtor për veprat penale: “Dhuna në familje“, “Ngacmimi seksual“ dhe “Mbajtja pa leje dhe prodhimi i armëve, armëve shpërthyese dhe municionit“. Në prill të 2024 ai u vendos nën akuzë pasi bashkëshortja e tij kishte bërë kallëzim për dhunë në familje, si dhe dyshohet se ka ngacmuar seksualisht dy vajzat e tij të mitura. Gjatë kontrollit në banesë, u gjetën g dhe u sekuestruan: 14 kapsolla denator, 2 fitilë zjarrpërcjellës, 1 granatë ofensive dhe 5 krëhera automatiku.