Në një javë lëvizjesh intensive në politikën e jashtme, Presidenti i SHBA-së Donald Trump u përpoq të përdorte marrëveshjen e fundit për armëpushim në Gaza dhe lirimin e pengjeve si një trampolinë për nisma më të gjera diplomatike. Në një analizë CNN thotë se pas udhëtimit 36-orësh në Lindjen e Mesme, shtëpia e bardhë është foksuuar tek lufta mes Russë dhe Ukrainës. Java përfundoi me Volodymyr Zelensky në Shtëpinë e Bardhë duke kërkuar miratim për raketa të reja me rreze të gjatë veprimi, që do të pasojë më tej një takim të afërt të paralajmëruar mes Trump e Putin. Presidenti Trump u duk i bindur se suksesi në Gaza krijon “dinamikë” dhe “besueshmëri” që mund të transferohet në fronte të tjera. “Mendoj se kemi shumë dinamikë, shumë besueshmëri. Mbyllja e çështjes së Lindjes së Mesme ishte shumë e rëndësishme. Na u desh të shtronim tryezën siç duhet… Besoj se tryeza tani është shtruar siç duhet këtu, dhe do të jetë një nder i madh ta arrijmë atë”, tha presidenti. Por në të njëjtën kohë, Shtëpia e Bardhë lëvizi në fronte të shumta: Trump konfirmoi gjithashtu se kishte autorizuar CIA-n për operacione të fshehta në Venezuelë, kërcënoi me sulme brenda vendit, miratoi 20 miliardë dollarë mbështetje nga Departamenti i Thesarit i SHBA-së për Argjentinën dhe la të hapur mundësinë e tarifave të reja ndaj Kinës përpara takimit të tij me Xi Jinping pas disa javësh.