Armët kimike apo bakteriologjike janë makthi i opozitarëve të Rusisë. Pavarësisht nëse bëhet fjalë për një element të vetëm që duhet neutralizuar apo një qytet të tërë, ushtria ruse nuk druhet të thyejë rregullat ndërkombëtare kundër përdorimit të armëve jokonvencionale. Nuk ekzistojnë sigurisht të dhëna të sigurta për arsenalin kimik që zotëron rusia, kjo edhe pse Moska ka firmosur konventën e ndalimit të armëve biologjike në 1972-shin dhe atë për armët kimike në 1993, që parashikon eleminimin e rezervave të zotëruara. Moska ka pohuar se i ka shkatërruar të 40 mijë tonelatat e gazrave, nga gazi mustardë e deri te gazi nervin, që ishin trashëguar nga epoka sovjetike. Në të vërtetë, zyrtarët amerikanë dhe ata të NATO-s mendojnë se Rusia i ka vazhduar programet e zhvillimit të armëve të ndaluara që janë akoma aktivë në disa qendra kërkimore ku prodhohen Novicoku dhe gazi sarin.