Tre persona janë vënë në prangat e policisë së Korcës, në kuadër të operacionit policor të koduar Perimetri. Njëri prej tyre ishte i shpallur në kërkim dy ditë më parë si pjesëtar i një grupi të strukturuar kriminal dhe dy të tjerë u arrestuan për dhënie ndihmë të shtetasve të huaj për kalim të paligjshëm të kufirit, kundrejt shpërblimit. Specialistët për Hetimin e Trafiqeve të Paligjshme dhe Narkotikëve pranë Drejtorisë Vendore të Policisë Korçë, në bashkëpunim me Policinë Kufitare dhe Komisariatin e Policisë Devoll, bënë të mundur arrestimin e dy shtetasve 41 dhe 35 vjec banues në Tiranë, pasi u kapën duke transportuar 6 emigrantë të paligjshëm. Uniformat blu bënë me dije këta shtetas u kanë në hyrje të qytetit të Bilishtit, duke transportuar me dy automjetet e tyre tip taksi, nga Tirana në drejtim të Kapshticës, kundrejt shpërblimit prej 100 euro, respektivisht nga 3 emigrantë të paligjshëm secili. Materialet në ngarkim të tyre i kaluan Prokurorisë së Rrethit Gjyqësor Korçë për veprime të mëtejshme.