Një ngjarje jo e zakontë është regjistruar në fshatin Rugovë të Gjakovës. Prokuroria ka bërë të ditur se kanë nisur hetimet ndaj 5 shtetasve të arrestuar më 31 maj, pas të shtënave me armë zjarri gjatë një feste familjare. Sipas Policisë ndaj tyre është paraqitur kërkesë për caktimin e paraburgimit prej 30 ditësh. Prokuroria ka ngritur dyshime se të njëjtit shtetas kanë kryer një sërë veprash penale, përfshirë përdorimin e armës në mënyrë të rrezikshme, mbajtjen pa leje të armëve dhe manipulimin me prova. Gjatë operacionit policor janë sekuestruar dy armë automatike, një pushkë gjuetie, një pistoletë, 463 fishekë të kalibrave të ndryshëm, disa gëzhoja nga vendi i ngjarjes.