Dalja e fundit publike e presidentit rus Vladimir Putin ka ngritur sërish dyshime dhe diskutime se kreu i Kremlinit mund të ketë probleme të rënda shëndetësore. Dyshimet kanë lindur pas takimit me ministrin rus të mbrojtes, ku presidenti Putin shihet duke u mbajtur pas tavolinës, në tentativë për të parandaluar dridhjen e duarve. Disa analistë spekulojnë se ai mund të vuajë nga sëmundja e Parkinsonit. Megjithatë, asnjë burim zyrtar nuk i ka konfirmuar këto raporte. Presidenti rus është shfaqur shumë rrallë që nga fillimi i pushtimit rus në Ukrainë. Por ditët e fundit ai është parë në takime me ministrat, ku ka pasur një qëndrim të pazakontë të trupit. Kremlini tha se Putin takoi së fundmi Shoigun për të diskutuar strategjinë ushtarake të Rusisë në Mariupol. Në pamjet që dolën nga takimi, Putinit shihet duke u mbajtur në tavolinë për rreth 15 minuta.