Neymar mund të kthehet në Brazil tek ish skuadra e tij, Santos. Është presidenti i klubit brazilian që Marcelo Teixeira që konfirmoi planet për të sjellë sulmuesin 32 vjecar sërish në radhët e kësaj skuadre. Në verën e kaluar, neymar u transferua në kampionatin arab të futbollit te al Hilal për 90 milionë Euro, por ai ka zhvilluar vetëm 5 ndeshje me këtë skuadër përpara se të pësonte një dëmtim të rëndë në gju në një ndeshje të përfaqësueses braziliane. Neymar iu nënshtrua një ndërhyrjeje kirurgjikale për shkak të këtij dëmtimi dhe do të qëndrojë jashtë fushave të lojës deri në përfundim të sezonit. Kontrata e brazilianit me Al Hilal skadon në 2025, por Santos po mendon të bëjë një tentativë për të siguruar shërbimin e neymar. Vetë Teixiera ka nisur tashmë bisedimet me futbollistin me kreun e Santosit që deklaroi se bisedimet po ecin mirë. ‘Biseda me Neymar ishte e shpejtë, por një bisedë e shpejtë gjithnjë ka efekte pozitive-tha Teixeira-që të kthehet dhe të luajë këtu ai e ka të nevojshme të rikuperohet plotësisht nga dëmtimi. Ai do të vijojë eksperiencën e tij në Arabinë Saudite dhe më pas të kthehet te ne’.