Ish-kryeministri Britanik Boris Johnson deklaroi se një pajisje përgjimi u gjet në tualetin e tij personal gjatë kohës që ishte sekretar i jashtëm dhe kishte pasur një takim me kryeministrin izraelit, Benjamin Netanyahu. “The Telegraph” duke iu referuar librit të ish kryeministrit shrkuan se pasjisja përgjuese u gjet fill pasi kreu i qeverisë së Izraelit përdori tualetin. Takimi ndodhi në vitin 2017 dhe se ishte ekipi i sigurisë ai që e zbuloi. Kur u pyet gjatë një interviste me “The Telegraph” nëse ai mund të jepte ndonjë detaj për atë që ndodhi, Johnson tha: Unë mendoj se gjithçka që duhet të dini për atë episod është në libër. Në të njëjtën periuudhë edhe Shtëpia e Bardhë akuzoi Izraelin për vendosjen e pajisjeve përgjuese në disa aparate celularë. Ndonëse nuk ka punuar kurrë në Mossad, agjencinë e spiunazhit të Izraelit, Netanyahu thuhet se ka punuar ngushtë me ta. Si agjencia e dytë më e madhe e spiunazhit në botën perëndimore pas CIA-s, ajo fokusohet në mbledhjen e inteligjencës së huaj dhe operacionet e fshehta.