Rreshteri në pension Neim Shehaj, i kalon ditët e tij duke riparuar një nëndetëse të erës sovjetike, një dëshmi e së shkuarës komuniste të Shqipërisë, që tani është pjesërisht e ndryshkur, e pjesërisht e fundosur në një bazë detare në Adriatik. Fati i nëndetëses së kohës së luftës së ftohtë në bazën e Pashalimanit, nga ku Moska shpresonte dikur të kontrollonte Mesdheun, është në fije të perit pasi autoritetet nuk e dinë ende se cfarë duhet të bëjnë me të. “Kjo nëndetëse është si një kishë për mua...unë erdha këtu kur isha marinar i ri dhe tani jam thinjur”, thotë për agjencinë franceze të lajmeve AFP shehaj, 63 vjec, që dikur ka shërbyer në të për tre dekada.Nëse nëndetësja nuk do të nxirret nga deti shpejt, ajo rrezikon të fundoset plotësisht dhe të marrë me vete edhe gjithë historinë e saj...