Policët e burgjeve që transferuan kryebashkiakun Erion Veliaj nga Durrësi në ambientet e gjykatës së posaçme të Apelit janë vendosur nën hetim nga ana e SPAK. Burime për top neës thanë se veliaj dyshohet se ka përdorur telefonin e njërit prej tyre gjatë kohës që kanë qenë duke e shoqëruar. Mësohet se njëri prej oficerëve e ka pranuar një gjë të tillë para hetuesve. Lidhur me këtë episode, SPAK po kryen veprime të mëtejshme hetimore ndaj oficerëve të burgut. Kryebashkiaku Erion Veliaj u arrestua më datë 10 shkurt. Ai akuzohet për “Korrupsion pasiv” dhe “Pastrim parash”. Ai po qëndron në burgun e durrësit pasi ndaj tij gjykata ka vendosur masën e sigurisë arrest me burg. Nën hetim është dhe bashkëshortja ndaj të cilës është vendosur detyrim paraqitje si dhe gjashtë biznesmenë. Veliaj ka hedhur akuza në drejtim të prokurorit të cështjes Ols Dado duke theksuar se është në konflikt interesi pasi I ka dhënë leje ndërtimi. Po ashtu ai I quan akuzat qesharake dhe të pavërteta me argumentin se mungon fakti.