Një shtetas ëhstë arrestuar në Tiranë, pasi akuzohej nga autoritetet italiane se bënte pjesë në një organizatë kriminalë, për armëmbajtje pa leje si dhe trafikim narkotikësh. Gjatë operacionit, shërbimet e Policisë Rrugore kapën shtetasin me inicialet A. F. 38-vjeç, i cili u arrestua nga specialistët për Hetimin e Narkotikëve të Drejtorisë Vendore të Policisë Tiranë, në vijim të punës për goditjen e paligjshmërive si dhe kapjen e shtetasve të shpallur në kërkim ndërkombëtar. Ky shtetas ishte shpallur në kërkim ndërkombëtar, pasi Gjykata e Gjenovës në Itali, i ka caktuar masën e sigurisë "Arrest në burg", për veprat penale "Organizata kriminale", "Trafikimi i narkotikëve" dhe "Armëmbajtja pa leje", parashikuar nga legjislacioni italian. Policia njofton se vijojnë procedurat për ekstradimin e këtij shtetasi në Itali.