Vetëm dy ditë përpara depozitimit të kandidaturave për presidentin e ri të Republikës, mazhoranca dhe opozita ranë në një dakordësi të përbashkët. Negociatat mes palëve, rritën mundësinë që në raundin e parë të votimeve, deputetëve t’u paraqitet një kandidaturë nga radhët e opozitës. Gjetëm një vullnet të mirë vlen për të verifikuar këtë gjë, që nuk do të kemi një President të zgjedhur njëanshëm nga mazhoranca. Do të ftoja të gjitha palët që ne kërkojmë një President për palët dhe duhet të na bashkojë figura. Patëm një dakordësi me përfaqësuesit e PS-së që ka ardhur koha të flasim me emra konkretë. Fatmir Mediu deklaroi se nuk i përjashton deputetët e rithemelimit nga procesi i zgjedhjes së kandidaturave. Një deklaratë që tingëlloi si kundërpërgjigje ndaj Ballës, i cili një ditë më parë tha se edhe nëse voton presidentin e propozuar nga mazhoranca, vota e Berishës do të konsiderohet e pavlefshme.