Në një tryezë me partitë simotra europiane, kryesocialisti Edi Rama u ndal tek reforma në drejtësi, të cilën e konsideron revolucionare për vendin por se nga pikëpamja njerëzore ka kosto. “Sigurisht nuk mund tua u fsheh që nga pikëpamja njerëzore nuk është gjëja më e mirë të shohësh njerëz të cilët i njeh prej një kohe të gjatë që çohen përpara drejtësisë për tu përgjigjur për gjëra të ndryshme dhe duke qenë se janë të pafajshëm derisa të provohen fajtorë këto janë procese që kërkojnë kohën e tyre. Por ajo çka është krejt e re në Shqipëri dhe është mjaft revolucionare do të thoja, dhe jo vetëm në Shqipëri, është nga njëra anë, kemi pastruar masivisht procesin e drejtësisë përmes një procesi verifikimi dhe nga ana tjetër praktikisht ia kemi kaluar shpatën e ndëshkimit nga pushteti ekzekutiv në pushtetin gjyqësor, nuk ka qenë kështu vetëm pak vite më parë.”