Dy persona të shpallur në kërkim janë vënë në prangat e policisë në qytetin e Vlorës. Letjano Beluli, ishte shpallur në kërkim pasi Gjykata e Shkallës së Parë e Juridiksionit të Përgjithshëm Elbasan, me vendimin e datës 16.05.2019, e ka dënuar me 1 vit e 7 muaj burgim, për veprën penale “Prodhimi dhe shitja e narkotikëve”. Ndërsa Jorlent Itaj rezulton me masë sigurimi “arrest me burg” për të njëjtën vepër penale. Operacioni për arrestimin e tyre u zhvillua nga sektori për Hetimin e Narkotikëve, në bashkëpunim me Forcën e Posaçme Operacionale dhe Forcën e Posaçme “Shqiponja”, të DVP Vlorë, në vijim të operacioneve për kapjen e shtetasve të shpallur në kërkim, të cilat zhvillohen në kuadër të megaoperacionit “Sundimi i ligjit”. Prokuroria e Vlorës po vijon hetimet e thelluara lidhur me dy personat e arrestuar.