Gjermania dhe partnerët e saj janë të vendosur të mbrojnë të gjithë territorin e NATO-s, tha të enjten kancelari Friedrich Merz gjatë një vizite në Vilnius që shënoi vendosjen e një brigade gjermane në Lituani, për të forcuar krahun lindor të aleancës. Vizita vjen ndërsa udhëheqësit e NATO-s përgatiten të takohen muajin e ardhshëm për të vendosur objektiva të reja për mbushjen e boshllëqeve në kapacitete dhe për të adresuar çështjen se sa duhet të shpenzojnë anëtarët për mbrojtje pas pushtimit të Ukrainës nga Rusia. "Së bashku me partnerët tanë, ne jemi të vendosur të mbrojmë territorin e aleancës kundër çdo agresioni. Siguria e aleatëve tanë baltikë është gjithashtu siguria jonë", u tha Merz gazetarëve.