Lëvizja Vetëvendosje, e Albin Kurtit, i fitoi zgjedhjet parlamentare të 9 shkurtit në Kosovë. “Ne do të vazhdojmë punët e mira që kemi nisur, e do të bëjmë akoma më shumë”, tha kurti mes entuziazmit të fitores pasi rezultatet e para nisën të dilnin. Kurti ka udhëhequr qeverinë e kosovës për katër vjet, nga 2021 deri më tani, ndërkohë që ka qenë kryeministër edhe për një periudhë disa javëshe në vitin 2020. Por krahasuar me zgjedhjet e 4 viteve më parë, ai ka humbur rreth 10 për qind të votave tani. Se cfarë do të bëjë kurti për të vazhduar të qeverisë Kosovën, nuk është ende e qartë. Por, në pritje të konfigurimit të plotë, që parashikohet të jetë i vështirë, kush është albin Kurti... Pa dyshim, kurti është një figurë që ka ngjallur reagime të forta. Për mbështetësit ai shihet si reformator dhe mbrojtës i interesave të vendit. Për kritikët, një ideolog i ngurtë, i mbyllur për kompromise, cka edhe ka cuar në acarimin e marrëdhënieve me ndërkombëtarët dhe izolimin e kosovës. Kurti është rritur si figurë në vitet 1990, pas organizimit të protestave kundër regjimit të Millosheviçit. Për shkak të aktivizimit të tij, ai ka kaluar dy vjet në burgjet e Serbisë dhe është liruar vetëm pas trysnisë ndërkombëtare. Në 2005, formoi Lëvizjen Vetëvendosje, e cila më vonë u regjistrua si parti politike.