20 janë kandidaturat e regjistruara zyrtarisht pranë Kuvendit të Shqipërisë, që pritet t’i drejtohen Komisionit Parlamentar për Çështjet Ligjore në Kuvendin e Shqipërisë, në seancë dëgjimore, pas përfundimit të afatit zyrtar, afat ky i cili u shty nga 19 maji në 20 qershor. Kësisoj kandidatët zyrtarë të regjistruar pranë Kuvendit janë: Ahmet Prençi, Altin Goxhaj, Besim Ndregjoni, Bledar Dervishaj, Boriana Nikolla, Brikena Kasmi, Dorian Gjomarkaj, Drita Avdyli, Endri Papajorgji, Erinda Ballanca, Ermir Kapedani, Evis Fico, Ilirjan Rusmali, Jordan Daci, Jorida Rustemi, Laureta Roshi, Ledio Braho, Lefterije Luzi, Olta Aliaj, Sali Shehu. Në dokumentin e siguruar nga Topp News, rezulton se 2 prej kandidatëve, përkatësisht Sali Shehu dhe Besim Ndregjoni nuk kanë dorëzuar formularin e deklarimit të papajtueshmërisë në përputhje me ligjin ‘Për Avokatin e Popullit’ të ndryshuar.