Mbi 62 milionë euro investime të Bashkimit Europian në Portin e Durrësit, nuk do të realizohen, e kjo për shkak të zhvendosjes së këtij porti në Porto Romano. Nisur nga këto zhvillime, Komuniteti Europian i Transportit ka rritur shqetësimet për zhvendosjen e shërbimeve portuale nga Durrësi në Porto Romano. Sipas raportit vjetor për Ballkanin, Komuniteti Europian është I shqetësuar nëse shërbimet portuale do të lidhen me rrjetin e transportit europian TENT. Sipas analizës së këtij raporti të publikuar nga Monitor, thuhet se, projekti në Portin e Durrësit (Rehabilitimi i Kalatave 1 dhe 2 në Terminalin Perëndimor të Portit të Durrësit) është financuar nga korniza e investimeve të Ballkanit Perëndimor (WBIF). Një fond prej 62.4 milionë eurosh. “Lidhur me perspektivën e ardhshme të Portit të Durrësit si dhe përputhshmërinë e saj TEN-T, duhet të merret parasysh plani i Qeverisë shqiptare do të zhvendosë portin ekzistues në Portin e Romanos. Zhvendosja dhe ndikimi i saj në pajtueshmërinë e TEN-T do të monitorohet nga afër në vitet në vijim” thuhet në deklaratën e Komunitetit të Transportit.