Komisioni i Ligjeve ka miratuar me shumicë votash ndryshimet në ligjin për Organizimin e Prokurorisë. Sipas ndryshimeve të reja, SPAK do të hetojë krimin zgjedhor. Kundër këtij ligji votoi vetëm deputeti Adriatik Alimadhi, i cili ka deklaruar se edhe në Kuvend ka votuar kundër marrëveshjes së 5 qershorit mes partive politike. “Këto subjekte politike e kanë shpikur fenomenin e vjedhjes së votës”, u shpreh Alimadhi. Ndryshimet që u miratuan kete te hene kane hequr detyrimin që Prokuroria e Përgjithshme dhe SPAK-u t’i japin informacion Komisionit Qendror të Zgjedhjeve. Komunikim i SPAK-ut dhe Prokurorisë së Përgjithshme me KQZ-në do të jetë si me gjithë institucionet e tjera, gjithmonë duke u bazuar ne kërkesën e vetë KQZ-së, por jo si detyrim i prokurorisë. Pjesë e informacionit duhet të jetë dhe informacioni për ekzeku-timin e dënimeve”, thuhet në relacionin e projektligjit. Në mbledhjen e 24 nëntorit kreu i Komisionit të Ligjeve, Ulsi Manja, tha se dhënia e informacioneve mund të përbëjë sekret hetimor, ndersa deputetja Hysi thkesoise Këshilli Politik duhet te sqaronte pse zhbëhet shtylla e Reformës në Drejtësi.