9 kandidatë janë larguar nga primaret brenda Partisë Demokratike, të cilat do të mbahen këtë të shtunë, më 1 mars në të gjitha degët e PD, teksa 18 të tjerë janë futur rishtas në garë. Paria Demokratike ka ndryshuar listat paraprake të miratuara nga kryesia e saj në mbledhjen e 20 shkurtit, duke mos bërë të ditur sesi këto ndryshime që duhet të kalonin nëpërmjet Kryesisë, janë miratuar. Ndër ndryshimet e listave është ajo e Durrësit, në të cilën është shtuar ish-prokurori i shkakruar nga vetingu dhe të cilit iu bë atentat, Arjan Ndoj. Po ashtu edhe Dibra ka pësuar ndryshime, ku nga gara janë larguar dy kandidatë dhe janë shtuar 3 të tjerë, mes të cilëve edhe Xhemal Gjunkshi, i njohur si një përkrahës i ish-kryedemokratit, Lulzim Basha. Po ashtu edhe Vlorës i është shtuar një kandidat jashtë afatit të përcaktuar fillimisht që ishte data 20 shkurt, por që do të shtyhej deri më 22 shkurt me pretendimin se disa kandidatë të interesuar nga diaspora dhe jo vetëm nuk kishin mundur të plotësonin dhe dorëzonin në kohë dokumentet. Skerdjan Dhuli, i cili ishte edhe zëdhënës i fushatës së Fredi Belerit për Bashkinë e Himarës.