Kryeministri Edi Rama, ka bërë të tjera ndryshime në rang të lartë drejtuesish, pas ndryshimeve të bëra në qeveri. Pas largimit të Ervin Hoxhës nga posti i kreut të IKMT, Rama ka emëruar në këtë post, Dallëndyshe Bicin, e cila ka mbajtur më herët këtë detyrë. Pas 16 muajve në krye të Agjencisë Shtetërore e Kadastrës, kryeministri Edi Rama firmosi rikthimin e saj në krye të Inspektoriatit Kombëtar të Mbrojtjes së Territorit. Bici u emërua në krye të Kadastrës më 9 mars 2023, pasi kryeministri Rama shkarkoi nga ky post Artan Lamen që e drejtonte që prej marsit të vitit 2019 Ndërkohë postin që deri sot e mbante Dallëndyshe Bici, numri një I qeverisë ia ka besuar Lorena Goxhobellit, e cila ka shërbyer si këshilltare e jashtme për çështjen e pronave në Ministrinë e Mbrojtjes që nga viti 2022, me një eksperiencë të gjatë në fushën e drejtësisë me fokus në çështjet e pronave.