Përveç se në Mal të Zi dhe Kosovë, ndikimi rus është shtrirë edhe në Maqedoninë e Veriut në prag të zgjedhjeve lokale. Shembulli më konkret është partia e themeluar si subjekt prorus, Maqedonia e Bashkuar, e cila udhëhiqet nga Janko Baçev, që publikisht mbështet thellimin e lidhjeve me Rusinë dhe refuzimin e integrimeve euroatlantike.Kandidati i kësaj partie për kryetar të Shkupit, Zoran Jovanovski, ka paralajmëruar për lidhje të ngushta me Moskën, ndërsa ka paralajmëruar për biznesmenë rusë, investitorë nga Kina dhe Bjellorusia, të cilët do të investonin në infrastrukturë dhe turizëm. Gjatë fushatës zgjedhire, Jovanovski ka përmendur planet për zhvillimin e asaj që e quan miqësi maqedono‑sllavo‑lindore dhe rritjen e turizmit nga vizitorë rusë, bjellorusë dhe ukrainas. Në zgjedhjet lokale të 19 tetorit ajo garon me kandidatë për kryetarë komunash dhe këshilltarë komunalë në 29 nga 80 komunat.