200 trupa nga Forcat e reja Aleate të Reagimit do të vendosen në Kosovë dhe në Maqedoninë e Veriut nga 30 shtatori deri më 16 tetor, për stërvitje që synojnë mbështetje për KFOR-in. Sipas NATO-s, kjo është hera e parë që Forcat e reja Aleate të Reagimit do të dislokohen, që kur kjo forcë u krijua në korrik të vitit 2024. Një pjesë e selisë së ARF-së do të integrohet përkohësisht në komandën dhe strukturat kontrolluese të misionit të KFOR-it dhe do të ketë për detyrë që të identifikojë kërkesat e mbështetjes logjistike, mbështetjen infrastrukturore dhe operacione për KFOR-in në rast të nevojës për një përforcim të pranisë së KFOR-it”, thuhet në njoftim. Sipas NATO-s, ARF-ja është një forcë strategjike, e gatishmërisë së lartë me aftësi të shumë fusha dhe mund të ofrojë ndihmë në mbrojtje në skenare të ndryshme. Sipas misionit paqeruajtës NATO, dislokimet e bëra në Kosovë, dërgojnë “mesazh të qartë të vendosmërisë të fortë të NATO-s dhe përkushtimit për të ruajtur paqen dhe stabilitetin në rajon, por edhe aftësinë e aleancës dhe gatishmërinë për t’u përgjigjur”.