“Ballkani Perëndimor është një rajon me rëndësi strategjike për Aleancën”, ka deklaruar një zyrtar i NATO-s. Më 12 shkurt, ministrat e Mbrojtjes të vendeve aleate do të mblidhen në selinë e NATO-s në Bruksel, takim I cili do të drejtohet nga sekretari i përgjithshëm Mark Rutte. Përmes një deklarate nga NATO, thuhet se ministrat pritet të shkëmbejnë pikëpamje edhe për zbatimin e të gjitha misioneve dhe aktiviteteve të udhëhequra nga Aleanca, duke përfshirë KFOR-in. “Ne presim që ministrat e Mbrojtjes të shkëmbejnë gjithashtu pikëpamje mbi zbatimin e të gjitha misioneve dhe aktiviteteve të udhëhequra nga NATO, duke përfshirë KFOR-in. Ballkani Perëndimor Është një rajon me rëndësi strategjike për Aleancën. NATO punon për të promovuar stabilitetin, sigurinë dhe bashkëpunimin në rajon. Angazhimi ynë për stabilitetin e rajonit është i palëkundur dhe nuk do të lejojmë krijimin e një vakuumi sigurie”, thuhet në deklaratë.