Sekretari i përgjithshëm i NATO-s ka paralajmëruar se Evropa duhet të kalojë në prodhim armësh si ai në kohë lufte në mënyrë që të zbrapsë ndonjë kërcënim të mundshëm nga rusia. Jens Stoltenberg tha se ne kemi nevojë për të rindërtuar dhe zgjeruar bazën industriale me qëllim që të rriten ndihmat për ukrainën dhe të rimbushen depot e armatimeve. Ai e cilësoi pushtimin rus të ukrainës si prova se paqja në evropë nuk mund të konsiderohet e mirëqënë. Edhe pse nato nuk kërkon luftë me rusinë – tha ai – ne duhet të përgatitemi për dekada të mundshme konfrontim. Komentet erdhën para përvjetorit të dytë të pushtimit rus të Ukrainës dhe para një takimi të rëndësishëm të ministrave të NATO-s, më 15 shkurt. “Nëse putin fiton në ukrainë, nuk ka asnjë garanci se agresioni rus nuk do të përhapet më gjerë”, tha Stoltenberg. Mbështetja e ukrainës tani dhe investimi tek rritja e kapaciteteve të natos është sipas shefit të aleancës, mbrojtja më e mirë. Deklaratat e tij vijnë në mesin e apeleve të shtuara për më shumë municione nga ukraina. Moska ka kaluar tashmë në një ekonomi lufte dhe ka investuar shuma të mëdha parash për ushtrinë e saj. Ajo po shpenzon 40 për qind të prodhimit të brendshëm bruto për mbrojtjen, dhe vendet perëndimore as nuk i afrohen në këtë drejtim.