Shefi amerika i mbrojtjes, Pete Hegseth, të enjten e shtyu NATO-n të binte dakord për një marrëveshje mbi rritjen e shpenzimeve ushtarake që mund të kënaqte Presidentin Donald Trump në një samit këtë muaj. Udhëheqësi i paqëndrueshëm i SHBA-së ka kërkuar që anëtarët e aleancës të rrisin buxhetet e mbrojtjes në pesë përqind të PBB-së së tyre në takimin e 24 dhe 25 qershorit në Holandë. Shefi i NATO-s, Mark Rutte, ka paraqitur një marrëveshje kompromisi për 3.5 përqind të PBB-së për shpenzimet kryesore ushtarake deri në vitin 2032 dhe 1.5 përqind për fusha më të gjera të lidhura me sigurinë, siç është infrastruktura. Disa diplomatë thonë se Rutte duket në rrugën e duhur për të siguruar marrëveshjen për samitin në Hagë, ndërsa NATO përballet me kërcënimin nga Rusia pas më shumë se tre vitesh lufte në Ukrainë. Por disa aleatë ende hezitojnë të angazhohen për nivele të tilla shpenzimesh.