Banorët e Kerateas, në lindje të periferisë së Atikës në Greqi, kanë kaluar një natë dramatike për shkak të një zjarri të fuqishëm që ka përfshirë zonën që prej mesditës së së premtes. Flakët, të përhapura me shpejtësi nga erërat që arrinin deri në 80 km/orë, kanë shkrumbuar dhjetëra shtëpi dhe një sipërfaqe të madhe pyjore, duke lënë pas një situatë të jashtëzakonshme.