Pesë aksidente rrugore janë shënuar gjatë orëve të paradites së të dielës në disa akse të vendit. Një nga aksidentet më të rënda u regjistrua në aksin rrugor Bulqizë-Maqellarë, ku dy makina janë përplasur, duke lënë pesë persona të plagosur. Si pasojë e përplasjes mjetet kanë marrë dëmtime të shumta, ndërsa njëra prej tyre ka përfunduar jashtë rruge. Në Golem një automjet ka humbur kontrollin për shkak të lagështirës në rrugë dhe ka përplasur një këmbësore 56-vjeçare, e cila ka humbur jetën në vendngjarje.