I akuzuari i tretë për vrasjen e Liridona Ademajt, Kushtrim Kokalla, është paraqitur para trupit gjykues në Gjykatën e Prishtinës, ku ka dhënë dëshmi lidhur me ngjarjen e rëndë të 29 nëntorit 2023. Kokalla ka folur për takimet që ka pasur me Naim Murselin dhe Granit Plavën, të dy të akuzuar gjithashtu për këtë krim. Ai ka deklaruar se në asnjë nga këto takime nuk është diskutuar plani për vrasjen e Liridona Ademajt. Megjithatë, në një takim të zhvilluar në një pikë karburanti, ai ka pranuar se Murseli u kishte dhënë para atij dhe Plavës, duke pretenduar se bëhej fjalë për një kredi për interesa të Murselit.