Kjo e mërkurë shënoi një tjetër rritje të cmimit të naftës, vendim i cili doli nga mbledhja e Bordit të Transparencës. Ky ndryshim erdhi si pasojë e shtrenjtimit të hidrokarbureve në bursat ndërkombëtare. Sipas vendimit të marrë nga bordi, duke filluar ora 18:00 e kësaj të mërkurë, nafta do të tregtohet me 226 lekë/litër, nga 219 lekë që ishte deri më tani. Një rritje të lehtë ka pësuar edhe çmimi i benzinës, ku nga 205 lekë që po tregëtohej deri më sot, do të tregëtohet me 209 lekë/ litër. Sa i përket gazit, bordi vendosi që çmimi të mbetej i pandryshuar në 115 lekë/litër. Edhe pse cmimi i gazit nuk është ndryshuar, vlen të theksojë se ky është niveli më i lartë I shtrenjtimit të gazit. Në bursa, një litër naftë po tregtohet me 106 dollarë për fuçi, nga rreth 100 dollarë që ishte kur Bordi mori vendimin e fundit në datën 8 prill.