Moisi Habilaj i cili prej një viti ndodhet në arrati do të gjykohet nga Gjykata e Posacme e Apelit dhe Krimit të Organizuar edhe pse ai nuk është vënë në prangat e policisë. Vendimi u mor nga Këshilli i Lartë Gjyqësor gjatë mbledhjes këtë të mëkurë, ku u tha se Gjyqtari i Gjykatës së Apelit Shkodër, Fuat Vjerdha si dhe gjyqtarët e Apelit Vlorë, Sokol Ngresi dhe Margarita Buhali, caktohen për të gjykuar për llogari të Gjykatës së Posaçme të Apelit për Korrupsion dhe Krimin e Organizuar, çështjen penale me të pandehur, Moisi Habilajn. Habilaj akuzohet për trafik droge dhe se ka qenë pjesë e një grupi të struktruar kriminal. Ai u dënua me 15 vite e 5 muaj burg në Itali, por ky vendim nuk u ekzekutua pasi një javë më parë ai u arratis nga banesa ku qëndronte me masë sigurie. Policia italiane e ka shpallur Moisi Habiljan në kërkim ndërkombëtar për trafik droge. Ai u dënua së bashku me disa persona të tjerë, të cilët përfituan ulje dënimi.