Drejtuesit e institucioneve publike shëndetësore do e kenë të ndaluar të kenë klinika private. Pas skandalit tek Onkologjiku, kabineti qeveritar miratoi ndryshime në urdhrin e mjekut, duke vendosur tavan të orëve të punës që një mjek i spitaleve publike mund të angazhohet në privat. Koçiu: “Ndërkohë nga ana tjetër kemi vendosur edhe një tavan të orëve të punës për të cilat një mjek që punon në sektorin publik mund të angazhohet dhe të punojë privatisht. Ka edhe një rregullim edhe të kësaj pike dhe ka të bëjë pikërisht me faktin që drejtuesit e institucioneve publike shëndetësore e kanë të ndaluar të kenë dhe klinika private dhe t’i drejtojnë ato klinika private dhe duke qenë titullarë njëkohësisht dhe në strukturat spitalore shtetërore dhe në strukturat e tyre private.” Ministrja e shëndetësisë, Albana Koçiu u shpreh se do të krijohet një regjistër publik që do ofrojë transparencë për mjekët e dypunësuar në shtet dhe privat.