Kuvendi i Kosovës do të mblidhet paraditen e së dielës, në seancën për formimin e qeverisë, duke bërë që Albin Kurtit t’i mbeten vetëm 2 ditë kohë deri në arritjen e një marrëveshje me forca të tjera, në mungesë të shumicës parlamentare për votimin e kabinetit të ri. Në rast se dështon brenda këtij afati, një shumicë e dytë parlamentare ka dhjetë ditë kohë për të formuar qeverinë, nëse edhe kjo dështon, atëherë vendi shkon automatikisht në zgjedhje të jashtëzakonshme parlamentare. Albin Kurti ka vetëm 48 mandate nga 61 që i duhen për qeverinë e re.