Top News – Mini maratona ‘Skampa 2023’ në Elbasan/ Mijëra atletë vendas e të huaj marrin pjesë

Që prej orës 09:00 të së dielës në qytetin e Elbasanit zhvillohet mini maratona ndërkombëtare “Skampa 2023” në të cilën marrin pjesë mijëra atletë vendas e të huaj të grupmoshave të ndryshme, mjaft prej të cilëve nga më të njohurit në garat kombëtare e ndërkombëtarë. Aktiviteti zhvillohet për herë të parë në këtë qytet, ndërsa garohet në disiplinat 5, 10 dhe 21 km. Më shumë se 1500 pjesëmarrës nga qytete të ndryshme të Shqipërisë dhe nga bota marrin pjesë në këtë minimaratonë. Gjithashtu janë përfaqësues nga 16 vende si Gjermania, Ukraina, Italia, Maqedonia e Veriut si dhe vende të tjera.