Minatorët e Bulqizës vazhduan edhe të hënën protestën e tyre, duke kërkuar plotësimin e kërkesave të paraqitura ndaj kompanisë. Ata shprehen të vendosur për të vazhduar protestat deri në realizimin e kërkesave të plota, duke theksuar se kompania po i injoron duke ofruar vetëm një rritje prej 10 për qind të pagës, ndërsa ata kishin kërkuar një rritje prej 30 për qind. Minatorët paralajmërojnë se protestat mund të intensifikohen dhe përshkallëzohen. Në mbështetje të protestës janë shprehur edhe ish-minatorët.