Presidenti Ilir Meta ka rikthyer në shqyrtim në kuvend 10 projektligje të paketës për reformën në drejtësi. Sipas deputetes Hysi, relacionet e presidentit nuk bazohen në shkelje të neneve të kushtetutës dhe bëhen pengesë për vijimin e reformës në drejtësi. Kthimi i shpeshtë i ligjeve me dekret presidenti është pasqyruar edhe në dokumentin e firmosur nga 49 deputetët e Partisë Socialiste për shkarkim të kreut të shtetit, si një shkelje kushtetuese e cila i ka sjellë vendit dëme të konsiderueshme ekonomike duke shtyrë miratimin e marrëveshjeve financiare. Megjithatë, fjalën e saj për Metën, nënkryetarja e kuvendit Vasilika Hysi e konsumoi ndërsa fliste për projektligjin e kodit të ri rrugor dhe ashpërsimin e masave. Ashpërsohen masat për përdorim alkooli dhe celulari, masat për mungesë të kaskave të motorit, rritet frekuenca e kryerjes së kontrolleve…. Kodi rrugor ka pësuar ndryshime thelbësore legjislative, të cilat parashikojnë ashpërsim të masave administrative ndaj shtetasve që kryejnë shkelje rrugore.